Цаг уурын мэдээ > Хөдөө аж ахуйн цаг уурын тойм
2024 ОНЫ 01 ДҮГЭЭР САРЫН ЭХНИЙ АРАВ ХОНОГИЙН ЦАГ АГААРЫН НӨХЦЛИЙН ТОЙМ
/ 2024 оны 01-р сарын 01-нээс 2024 оны 01-р сарын 10-ны өдрийг хүртэл /
Температур: Агаарын дундаж температур нийт нутгаар 10.1-18.4 градус хүйтэн, олон жилийн дундажтай харьцуулбал нийт нутгаар дунджаас 2.0-5.1 градусаар дулаан байлаа. Үнэмлэхүй их температур өдөртөө Замын-Үүд, Хөвсгөл, Хатанбулаг сумдын нутгаар 0 градусаар дулаан, үнэмлэхүй бага температур шөнөдөө Айраг, Алтанширээ сумдад -28 градус хүйтэн байв. Хөрсний гадаргын дундаж температур нийт нутгаар 10-19 градус хүйтэн, үнэмлэхүй их температур өдөртөө Замын-Үүд сумын нутгаар 4 градус дулаан, үнэмлэхүй бага температур шөнөдөө Иххэт сумын нутгаар -31 градус хүйтэн байлаа.
Хур тунадас: Энэ 10 хоногт Иххэт суманд 0.4 мм, Замын-Үүд, Айраг, Алтанширээ, Эрдэнэ, Дэлгэрэх сумдад 0.0 мм хур тунадас орлоо. Орсон хур тунадасны нийлбэрийг олон жилийн дундажтай (ОЖД) харьцуулахад: Иххэт сумын нутгаар дундажаас ахиу, бусад нутгаар дунджаас бага хур тунадастай байлаа.
Салхи: 10 хоногийн салхины хамгийн их хурд Замын-Үүд, Дэлгэрэх сумдын нутгаар 16 м/с, Мандах, Хөвсгөл сумдын нутгаар 15 м/с, Сайншанд сумын нутгаар 14 м/с, Эрдэнэ, Айраг, Иххэт, Өргөн, Улаанбадрах, Хатанбулаг сумдын нутгаар 12 м/с, Сайхандулаан сумдын нутгаар 10 м/с хүрч аюултай үзэгдлийн хэмжээнд ажиглагдаж цаг агаар тогтворгүй байлаа. Алтанширээ сумын нутгаар 8 м/с хүрсэн. Нийт нутгаар 10 м/с-ээс дээш салхитай өдрийн тоо 1-7 өдөр байсан байна.
Цасан бүрхүүлийн байдал: Энэ 10 хоногийн хээрийн цасны хэмжилтээр, цасны дундаж зузаан Дэлгэрэх суманд 12 см, Иххэт суманд 11 см, Айраг суманд 12 см, Хөвсгөл суманд 6 см, Эрдэнэ, Алтанширээ суманд 4 см, Хатанбулаг суманд 3 см, Замын-Үүд, Мандах, Улаанбадрах сумдад 2 см, Сайхандулаан, Өргөн сумдад 1 см, Сайншанд суманд 0 см байна. Цасны бүрхэц Эрдэнэ, Айраг, Дэлгэрэх, Алтанширээ сумдын нутгаар 10 балл, Өргөн, Замын-Үүд, Мандах, Иххэт, Сайхандулаан, Улаанбадрах, Хатанбулаг сумдын нутгаар 5-9 балл, Сайншанд, Хөвсгөл сумдын нутгаар 1-4 баллын цасан бүрхүүлтэй байна. Цасны дундаж нягт Дэлгэрэх суманд 0,30 г/см3, Алтанширээ, Айраг суманд 0,27 г/см3, Иххэт суманд 0,26 г/см3 , Эрдэнэ суманд 0,23 г/см3, Хөвсгөл суманд 0,18 г/см3 , байна.
МАА-н үйлдвэрлэлд: Нийт нутгаар малд нэмэгдэл тэжээл өгөх, хужир шүү бэлтгэх ажил явагдаж байна. Цаг агаарын нөхцөл, их цаснаас болж сумдад энэ 10 хоногийн турш мал бэлчээрлэлт хүндрэлтэй, мал бэлчээрт орой бэлчиж эрт хотолж байна. Зуншлага тааруу байснаас малын бэлчээр муутай, зарим газартаа цас зузаарч хунгарласан.
Зудын нөхцөл байдал: Засгийн газрын 286 дугаар тогтоолын дагуу зудын байдлыг үнэлгээ хийхэд суманд Алтанширээ, Дэлгэрэх, Айраг, Иххэт, Сайхандулаан, Өргөн сумдын нутгаар “цагаан зуд”, Хөвсгөл, Эрдэнэ сумдын нутгаар “цагаанаар зудархуу” байдалтай байна.